wod_1958 (wod_1958) wrote,
wod_1958
wod_1958

Category:

Молитвы во время войны

Оригинал взят у donetsk_elenka в Молитвы во время войны
Молитва православных воинов под звуки канонады, г. Славянск. Утро 30 июня 2014 года:







(с 6:20 минуты)

1. Господи Боже Сил, Боже спасения нашего, Боже, творяй чудеса един, призри в милости и щедротах на смиренныя рабы Твоя, и человеколюбие услыши и помилуй ны: се бо врази наши собрашася на ни, во еже погубити ны, и разорити святыни наша. Ты же, вся ведый, веси, яко неправедно восташа на ны, и яко не возможем мы противостати множеству их, аще не Ты явиши помощь нам. Темже грешные и недостойные в покаянии со слезами молимтися: помози нам Боже, Спасителю наш, и избави ны славы ради имене Твоего, да не когда рекут врази наши: Бог оставил я есть, и несть избавляяй и спасаяй я: но да увидят вси языцы, яко Ты Бог наш, и мы людие Твои, под державою Твоею всегда хранимы. Яви нам, Господи, милость Твою, и да приложатся к нам словеса, реченная Моисеем к людем Израильским: дерзайте, стойте и узрите спасение от Господа, Господь бо поборет по нас. Сотвори с нами знамение во благо, яко да видят ненавидящии ны и правоверную веру нашу, и посрамятся и смирятся. Ей, Господи Боже, Спасителю наш, крепосте и упование и заступление наше, не помяни беззаконий и неправд людей Твоих, и не отвратися от ны гневом Своим, но в милости и щедротах Твоих посети смиренныя рабы Твоя, ко Твоему благоутробию припадающия. Возвесели страну нашу о милости Твоей, и укрепи ю силою Твоею: возстани в помощь нашу, и разруши лукавыя советы мыслящих нам злая: суди обидящая и побори борющия ны, и обрати нечестивое дерзновение их в страх и бегство: воинству же нашему, на Тя уповающему, подаждь во мнозем дерзновении и мужестве погнати и настигнути их, и о имене Твоем победити: а имже судил еси положити на брани души своя за веру и Отечество, тем прости вся согрешения их, и в день праведнаго воздаяния Твоего воздай венцы нетления. Ты бо еси заступление, и победа, и спасение уповающим на Тя, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.


2.Господи Боже наш, послушавый Моисея, простершаго к Тебе руце свои, и люди Израилевы укрепивый на Амалика и Иисусу Навину ополчившуся попустил еси солнцу стати во образ победительный. Ты и ныне услыши нас молящихтися о собравшихся всех сих, и благослови, и укрепи я: и даждь им сердце мужественно на сопротивныя враги, Ангела светла посли им, врагом же страшна и ужасна, запинающа же и погоняюща, и сердце их разслабляюща, и дерзновение в бегство претворяюща. Отыми же от рабов Твоих, на брань ныне исходящих, и от всех нас всякий глад и губительство, и избави нас от огня и меча, и нашествия врагов, и от всякаго востания противнаго. Спутешественник им буди, и подаждь им вся, яже ко спасению прошения: научи я и вразуми, спаси, защити, сохрани, очисти, и радости духовныя исполни: души и телу их Заступник и Защитник буди, и яко Благ и Милосерд и Человеколюбец прощение грехов подаждь им в день судный. Помилуй я и всех ны и благослови во вся дни живота нашего: да от Тебе помощь и заступление, и избаву приимше, славу и благодарение без всякаго препятия всегда возсылаем. Ты бо еси крепость и утверждение людем Твоим, и Тебе славу возсылаем со Единородным Твоим Сыном, и Пресвятым и Благим и Животворящим Твоим Духом, ныне и присно, и во веки веков. Аминь.

3. Господи, Всемогущий Боже, Царь всех царствующих и Господь всех господствующих, сказавший, что и волос с головы не упадет у нас без воли Твоей, прекращающий брани до края земли, сокрушающий лук, преломляющий копье, сожигающий огнем колесницы! Будь помощию нашею, защитою и крепостию, каменною горою и оградою нашею, и избавь нас от кровожадных врагов. Не оставь наследия Твоего, называющегося святым именем Христовым. Да возвеличится слава Твоя в вышних и во всем мире, да будет на земле мир и в человеках благоволение. Не попусти разорять и опустошать церкви и училища, земли и народы, где обитает слава Твоя. Даруй всем христианским властям и подданным постоянный мир и согласие. Соделай, чтобы милость и истина сретились, правда и мир облобызались в земле нашей; чтобы возникла истина от земли, и правда приникла с небес. Близко спасение Твое к боящимся Тебя, чтобы водворить славу на земле нашей; и Господь даст благо, и земля наша даст плод свой; правда пойдет пред лицем Его, и поставит на путь стопы свои. Повели ангелам Твоим ополчиться окрест возлюбленного Отечества нашего и сохранить нас, честь и стяжания наши. Будь огненною стеною окрест нас, и защити нас, да не падем от меча врагов, да не будем расхищены, разорены и изгнаны, да не подвергнемся мы, стяжания наши и честь наша поруганию и посрамлению. Даруй нам не полагаться на колесницы и коней, но на святое имя Твое, которое есть крепость непреступная; туда бежит праведник и спасается. Даруй нам храбрость и мужество против врагов наших. Вооружи нас могуществом твоим, потому что Тобою можем мы сокрушать полчища, и силою Бога нашего перескакивать стены, так как Ты щит всем уповающим на Тебя. Боже, препояши нас силою, и научи руки наши поражению врагов наших. Дай нам щит спасения Твоего, и десница Твоя да поддержит нас. Ты можешь препоясать нас силою в брани, и возставших на нас низложить пред нами. Ты обратишь к нам тыл врагов наших, и мы истребим ненавидящих нас, разсыплем их, как пыль по ветру, как брение на улицах попрем их. Облеки нас силою Твоею, и соделай, чтоб укрепились Тобою и могуществом силы Твоей. Разсей народы, желающие битв; обрати в ничто злые, хитрые умыслы их и разум их в безумие. Крепкие сердцем станут добычею, уснут сном своим и не найдут рук своих все мужи силы. От прещения Твоего, Боже Иаковлев, погружается в сон колесница и конь. Ты страшен, и кто устоит пред лицем Твоим во время гнева Твоего? С небес возвещаешь Ты суд: земля страшится и безмолвствует, когда Бог возстает на суд во спасение всех страждущих на земле. И гнев человеческий обращается во славу Тебе, когда Ты наконец препоясуешься гневом. Ты укрощаешь дух владык, Ты страшен для царей земных. До каких пор, Боже, ругаться будет притеснитель? Вечно ли врагу пренебрегать имя Твое? Боже, Царь мой, издревле творящий спасение среди земли! Ты силою Твоею расторг море, сокрушил головы водяных чудовищ. Ты утвердил все пределы земли. Вспомни это: враг ругается Господу, народ безумный пренебрегает имя Твое. Не отдай зверям душу горлицы Твоей, не забудь стада страдальцев Твоих навсегда. Притесненный да не возвратится с посрамлением, страждущий и бедный да восхвалят имя Твое. Возстани, Боже, защити дело Твое, вспомни, как ежедневно Тебе ругается безумный! Низвергни мощь и силу их, на которые они полагаются, как на фараона, да побегнут, как Сисара. Отними у них храбрость и мужество; соделай их робкими и безнадежными; да приидет на них страх и ужас, как на мадианитян. Порази их слепотою, как сириан во время Елисея. Да будут они, как прах пред ветром, и ангел Господень да прогоняет их. Защити пределы наши, прогони их из земель наших, как ветр разгоняет дым и как огонь растопляет воск. Соделай, чтобы мы воспели радостно: десница Господня возносит, десница Господня делает сильным. Да будут поражены ужасом все враги наши, да возвратятся и будут постыжены мгновенно.

Святому благоверному князю Александру Невскому

Скорый помощниче всех, усердно к тебе прибегающих, и теплый наш пред Господем предстателю, святый благоверный, великий княже Александре!
Призри милостивно на ны недостойныя, многими беззаконии непотребны себе сотворшия, к раце мощей твоих (
или ко святей иконе твоей) ныне притекающия и из глубины сердца к тебе взывающия. Ты в житии твоем ревнитель и защитник Православныя веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави.
Ты, победив полки супостатов, от пределов Российских отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на Небесех царствуеши: исходатайствуй и нам, смиренно молим тя, житие тихое и безмятежное, и к Вечному Царствию шествие неуклонное твоим предстательством устрой нам.
Предстоя же со всеми святыми Престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков. Аминь.

также перед битвой читается
Молитва Кресту Господню
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.

Великомученику Георгию Победоносцу

Святый, славный и всехвальный великомучениче Георгие! Собраннии в храме твоем и пред иконою твоею святою поклоняющийся людие, молим тя, известный желания нашего ходатаю, моли с нами и о нас умоляемаго от своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый победоносче: укрепи данною тебе благодатию во бранех православное воинство, разруши силы востающих врагов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да прославляем Отца, и Сына, и Святаго Духа и твое исповедуем предстательство ныне, и присно, и во веки веков. Аминь.

а также:
Молитва о спасении России

Господи Иисусе Христе, Боже наш! Прими от нас, недостойных раб Твоих, усердное моление сие и, простив нам вся согрешения наша, помяни всех врагов наших, ненавидящих и обидящих нас, и не воздаждь им по делам их, но по велицей Твоей милости обрати их неверных ко правоверию и благочестию, верных же во еже уклоншися от зла и творит благое. Нас же всех и Церковь Твою Святую всесильною Твоею крепостию от всякаго злато обстояния милостивне избави. Отечество наше от любых безбожник и власти их свободи, верных же раб Твоих, в скорби и печали день и ночь вопиющих к Тебе, многоболезненный вопль услыши, многомилостиве Боже наш, и изведи из истления живот их. Подаждь же мир и тишину, любовь и утверждение и скорое примирение людям Твоим, их же Честною Твоею Кровию искупил еси. Но и отступившим от Тебе и Тебе не ищущим явлен буди, воеже ни единому от них погибнути, но всем им спастися и в разум истины прийти, да вей в согласном единомыслии и в непрестанной любви прославят пречестное имя Твое, терпеливодушне, незлобиве Господи, во веки веков. Аминь.


Молитва покаянная , читаемая в церквах России во дни смуты

Господи, Боже, Вседержителю, призри на нас, грешных и недостойных чад Твоих, согрешивших пред Тобою, прогневавших благость Твою, навлекших гнев Твой праведный на ны, падших во глубину греховную. Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих, умножение нестроений семейных, разъединения и раздоры церковный, Ты зриши печали и скорби наша, от болезней, гладов, потопления, запаления и междоусобныя брани происходящыя. Но, Пр&милостивый и Человеколюбивый Господи, вразуми, настави и помилуй нас, недостойных. Исправи жизнь нашу греховную, утоли раздоры и нестроения, собери расточенныя, соедини разсеянныя, подаждь мир стране нашей и благоденствие, избави ю от тяжких бед и несчастий. Всесвятый Владыко, просвети разум наш светом учения Евангельскаго, возгрей сердца наша теплотою благодати Твоея и направи я к деланию заповедей Твоих, да прославится в нас всесвятое и преславное имя Твое, Отца и Сына и Свягаго Духа, ныне и во веки веков. Аминь.

Молитва пред иконою Богородицы "Державная"

О, мира Заступнице, Мати Всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе, умоли, милосердная Мати Света, Сына Твоего и Бога нашего, Сладчайшаго Господа Иисуса Христа, да сохранит в мире страну нашу, да утвердит державу нашу в благоденствии, и избавит нас от междоусобныя брани, да укрепит Святую Церковь нашу Православную, и незыблему соблюдет ю от неверия, раскола и ересей. Не имамы иныя помощи, разве Тебе, Пречистая Дево. Ты еси всесильная христиан заступница пред Богом, праведный гнев Его умягчая. Избави всех с верою Тебе молящихся от падений греховных, от навета злых человек, от глада, скорбей и болезней, даруй нам дух сокрушения, смирение сердца, чистоту помышлений, исправление греховныя жизни и оставление согрешений наших; да вси, благодарственне воспевающе величия Твоя, сподобимся Небеснаго Царствия, и тамо со всеми святыми прославим пречестное и великолепое имя в Троице славимаго Бога, Отца и Сына и Святаго Духа. Аминь.

Молитва за неверующих, гонителей и презрителей правды (в наше время- прежде всего за соратников-язычников)

Господи, обрати к Тебе и сердца врагов наших, если же не возможно ожесточенным обратиться, то положи преграду зла и защити от них избранных Твоих. Аминь.

Другие молитвы:
http://www.molitvoslov.com/




Subscribe
promo wod_1958 october 23, 2020 18:11 1
Buy for 1 000 tokens
Поддержка Блога возможна через Яндекс_Деньги или карта MasterGard. . По событиям в Донецке сейчас пишу редко, дублировать то, что пишет официальная пресса ДНРе - смысла не вижу особенно об обстановке на фронте - достоверной инфой для общего пользования о происходящем не владею, а то, что…
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments